फिजम कपको उपाधि बेष्ट ग्रुप भिजन स्कूललाई

स्वस्तिका तिमल्सिना

काठमाडौं , माघ २९ 

“फिजम कपको उपाधि बेष्ट ग्रुप भिजन स्कूललाई”

शनिबार भएको फिजम कपको फाईनल चरणको खेलमा बेष्ट ग्रुप भिजन विजयी भएको छ । ग्रामरसङ्ग भएको खेलमा १-१ को बराबरी भए पश्चात पेनाल्टी सुट आउटमा २-० गोल अन्तरले बेष्ट ग्रुप भिजन विजयी भएको थियो । 

शनिबार तेस्रो स्थानको लागी मोनास्टिक र लाईसियमबिच भएको भएको खेलमा मोनास्टिक ३-०गोल अन्तरले विजयी भयो ।  समापन कार्यक्रममा सर्वाधिक गोलकर्ताको उपाधि मोनास्टिक स्कुलका ओसमान तामाङ्ग र ग्रामर स्कुलका रोशन तामाङ्गलाई प्रदान गरियो । दुवैले खेल अवधिभरिमा ९/९ गोल गरेका हुन । फिजम कप २०८० को फेयर प्लेको उपाधि हेब्रोन स्कुलले पायो भने बेस्ट कोचको उपाधि बेस्ट ग्रुप भिजनका कोच सागर थापाले हासिल गएका छन । प्रतियोगीतामा  बेस्ट ग्रुप भिजनले फिजम कप सहित विभिन्न उपाधि हासिल गरेको छ ।  सेख तौफिकले बेष्ट किपर  , सियोन राईले बेष्ट डिफेन्डर , सुजल कार्कीले  इमर्जिङ्ग प्लेयर र संयोग थापाले  म्यान अफ द म्याचको उपाधि हासिल गरेका हुन ।